प्रिय विद्यार्थी मित्रांनो आणि स्नेही पालकांनो जयभारत;
विद्यार्थी मित्र प्रा.रफीक शेख सर लेखन-संपादित विद्यार्थ्यांसाठी करिअर मार्गदर्शन आणि समुपदेशन लेखमालिकेत आपलं हार्दिक स्वागत...
“The opportunity to explore and choose the right career path for you..”
एसके कोचिंग क्लासेस आणि डॉ. ए.पी.जे.अब्दुल कलाम फाउंडेशन विद्यार्थी फाउंडेशन मित्र परिवाराच्या माध्यमातून गेल्या दोन दशकांपासून विद्यार्थ्यांच्या अविरत सेवेत दिवसागणिक वेगवेगळे शैक्षणिक अभिनव प्रयोग करून विद्यार्थ्यांना शिक्षणाची गोडी लावत त्यांच्या जीवापाड प्रयत्नाला यशाचा सुगंध देत भावी आयुष्यातील असणा-या करीयरच्या संधी आणि व्यक्तिमत्व विकासाच्या माध्यमातून हा एक सुंदर संकल्प आपल्या यशाचा राजमार्ग तयार करण्याचा ठाम निर्धार-करिअर मार्गदर्शन लेखमाला आपल्या पुढील वाटचालीस एक ‘दीपस्तंभ’ ठरेल याची आम्ही खात्री बाळगतो.
ज्ञान आत्मसात करता-करता यशाची नवनवीन उत्तुंग शिखरे ‘सर’ करण्याची जी विलक्षण जिद्द तुमच्यात दिसतंय त्या जिद्दीला मनापासून सलाम..!
सध्याच्या ह्या जागतिक महामारीच्या कोरोना संकटांने विद्यार्थ्यांच्या शैक्षणिक भविष्यावर सर्वोतोपरी दुरागामी परिणाम करीत त्यांचं भावी करिअर अंधारात तर नाही ना? अशी चिंता जागरूक पालक, विद्यार्थी आणि शिक्षण प्रेमींना पडलेली दिसतेय, विपरीत वेळ आणि प्रतिकुल परिस्थितीने विद्यार्थ्यांच्या माथी 'कोविड बॅच' चा शिक्क्याने त्यांत अजून भर पडलेली असतांना एकूण शिक्षण व्यवस्थेच्या गुणवत्तेच्या मूल्यकांवर प्रश्नचिन्ह पडलंय..!
ह्या वेळेत जागृतेने पुढील भावी करिअरच्या संधीचा विचार करीत
शालेय किंवा महाविद्यालयीन शिक्षण घेत असतानाच मी पुढे कोण होणार,ही महत्वकांक्षा आजच बाळगून त्या दृष्टीने प्रयत्न केले तर आपणच आपलं करिअर उत्तमत्तेने घडवू शकतो..
कोरोना काळातील असलेल्या अनिश्चिततेने मनात सतत येणाऱ्या गोंधळ अवस्थेने अनेक प्रश्न निर्माण होतांना स्वतःच्या आवडी-निवडी ,छंद,कल,वातावरण,कौटुंबिक व्यावसायिक पार्श्वभूमी, पालकांच्या किमान अपेक्षा आणि आपल्या क्षमता,अभ्यास, कौशल्यानुसार आपल्याला ह्या घडीला परिपूर्ण मार्गदर्शन करणारे भेटतात का? आपलं समाधान होतं का?
किंबहुना विश्वासवार्ह असतात... ?
मित्रांनो , हे माहिती-तंत्रज्ञानाच अत्याधुनिक सुसज्ज युग आहे. माहितीची विस्तीर्णता आणि तंत्रज्ञानाची सखोलता हे आजची वास्तविकता, त्यामुळे अशा युगात शिकणा-याकडे अधिकाधिक गोष्टी आणि कौशल्य असावेत. अशावेळी अनेक मार्गदर्शकाचं सहकार्य आणि हातभार लागतो.
आम्ही हाच प्रयत्न मोफत करिअर मार्गदर्शन लेखमाला यह्या मुक्त संवादातुन आपल्याशी करणार आहोत.
एखादे करिअर कसे निवडावे ?
आपल्या क्षमता आणि कल कसा ओळखावा ? करिअरचे स्वरूप कसे ?
इच्छित करिअर साठी लागणारी शैक्षणिक पात्रता , व्यक्तिमत्व,शिक्षण आणि वेळ-अनुकूलता ई.सर्व गोष्टी या करीअरच्या विशाल सागरातून मार्गदर्शनाचे मोती देण्याचा एक प्रामाणिक प्रयत्न आणि संकल्प आपल्या सर्वांच्या सहकार्यातून पूर्ण व्हावं अशी किमान अपेक्षा ठेवतो...
🎓 करिअर म्हणजे काय..?
🎓 करिअर चे महत्व काय..?
🎓 करिअर कसे निवडावं..?
🎓 आपण करिअर निवडतांना काय विचार करतो..?
🎓 करिअर बाबत स्वतःला व इतरांना काय विचारावे.?
🎓 स्वतःला कसे ओळखावे.?
🎓 करिअर कसं घडवावं..?
🎓 शिक्षण कसे घ्यावे..?
🎓 अभ्यास होत नाही..?
🎓 आयुष्याची दिशा सापडत नाही..?
🎓 आपल्या पालकांना आपलं करिअर कसं समजुन सांगावं..?
करिअर चे मार्गदर्शन कसे घ्यावे..?
🎓 आयुष्यात यश कसं प्राप्त करावे..?
ह्या आणि अशा साऱ्या प्रश्नांवर आपल्याला एकच उत्तर ...!
या आणि सहभागी व्हा.! आमच्याशी मुक्त पणे संवाद साधा..
🎓 करिअर म्हणजे काय..?
“ आपणच आहोत आपल्या जीवनाचे खरे शिल्पकार"
"वेळ आलेली आहे स्वतःला ओळखून झोकून देऊन , भव्य-दिव्यता निर्माण करून स्वतःच्या आणि इतरांचा विकास घडवणे.”
🎓 ‘करिअर’ म्हणजे (‘प्रोफेशन’) व्यवसाय होय.
🎓 ज्या विषयाचा किंवा एखाद्या गोष्टींचा आपण सखोल अभ्यास केला आहे,त्यात आपला खरा रस आहे,रुची आहे अशा विषयांशी निगडीत कायम स्वरूपी काम करून त्यातून आंनद आणि समाधान प्राप्त करणे म्हणजे करिअर आणि व्यवसाय होय.
🎓 आयुष्यात पद,प्रतिष्ठा , मान-मरातब, पैसा ,प्रसिद्धी मिळवणे म्हणजे करिअर.
आवडत असलेल्या गोष्टींचा जन्मभर अभ्यास आणि त्यातून मिळणारा आनंदासोबत अर्थप्राप्ती म्हणजे करिअर होय.
🎓 आपल्या उपजत क्षमता, आवड आणि बुद्धिमत्ता कल यानुसार एखादा व्यवसाय अर्थप्राप्तीसाठी निवडणे आणि त्यात आयुष्य वेचणे म्हणजे करिअर..
🎓 कधी-कधी आपला छंद ही करिअर होऊ शकते..!!
🎓 आयुष्यात यशस्वी होण्यासाठी इच्छित असलेला मार्ग निवडणे म्हणजे करिअर...
🎓 स्वतःच्या क्षमता ओळखून जग जिंकण्याची अभिलाषा बाळगण्याच्या प्रयत्नांना करिअर म्हणता येईल.
🎓 स्वत:च्या स्वाभाविक कलांना अनुसरून आणि अंगी असलेल्या विविध क्षमता व कौशल्य यांचा विचार करून योग्य शिक्षण घेऊन त्यात अर्थार्जन करणे म्हणजे करिअर होय.
मला काय आवडते ?
मला काय जमते ?
समाजाला कशाची गरज आहे ?
माझं अस्तिव काय आहे ?
माझ्या आयुष्याचं ध्येय काय आहे ?
या सर्व प्रश्नांची उत्तरे म्हणजे करिअर असू शकत...
करिअर कसं निवडावं..?
“ Successful people tend to become more successful because they are always thinking about their success.. ”
🎓 स्वतःच्या क्षमता , आवड , कल आणि बुद्धिमत्ता यानुसार करिअर निवडावे.
🎓 आयुष्यातील प्राधान्यक्रम कशाला ? यानुसार करिअर निवडावे ?
आपल्या बुद्धीला झेपणारे , नीट आकलन करण्याची क्षमता आपल्यात असणारे , आपल्या आवडीचे क्षेत्र , आपल्या व्यक्तिमत्वाला शोभणारे व्यवसाय / काम ज्यांमुळे आयुष्याला योग्य दिशा मिळवू शकते याचा विचार करणे म्हणजे करिअर निवडणे होय.
आयुष्यातील इच्छित यशाच्या गाडीला दोन चाके असतात-
एक म्हणजे क्षमता ( Ability) आणि दुसरे म्हणजे इच्छा ( Willingness ) यांतले एक चाक जरी गळून पडले तर, यशाची गाडी सुरळीतपणे पुढे जाऊ शकणार नाही, त्यामुळे आपण क्षमता आणि आवड यांची सांगड घालून आत्मविश्वासाने सतत प्रयत्न करून निश्चित आणि शाश्वत यश प्राप्त करणे म्हणजे करिअर निवडणे होय.
आपल्याला आवडणाऱ्या गोष्टी , छंद ,बुद्धिमत्ता , शिक्षण , व्यक्तिमत्व विकास, कौटुंबिक पार्श्वभूमी, वातावरण , आर्थिक-स्थिती , आपले प्रयत्न यासर्व बाबींना विचारात घेऊन करिअर निवडावं.
🎓 जीवनाचा विकास साधण्याचा असेल तर प्रत्येकाने आपली बुद्धी कोणत्या क्षेत्रात चालते ते ओळखून तसे क्षेत्र निवडावे, त्या निवडलेल्या क्षेत्रात उत्तमता आणि प्रतिभा साध्य करावी .
🎓 आत्मपरीक्षण, रुची असलेल्या क्षेत्राची निवड आणि निवडलेल्या क्षेत्रात उत्तमता आणि प्रतिभा मिळवणे हि सर्वात महत्वाची त्रिसूत्री आहे..
🎓 करिअरला आवश्यक गुणसंपदा तुमच्या व्यक्तीमत्वांत असेल तर तुम्हांला त्या करिअरमध्ये ‘स्कोप’ आहे.
‘स्कोप’ करिअरला नसतो व्यक्तीला असतो.
पुढील वाटचालीस आपणास हार्दिक सदिच्छा आणि शुभेच्छा..!
ह्या आणि अशा साऱ्या प्रश्नांवर आपल्याला एकच उत्तर ...!
या आणि सहभागी व्हा..!
करिअर मार्गदर्शन समुपदेशन लेखमालिकेत ..
पुढील लेख मालिकेसाठी कृपया..
करिअर लेख-चर्चा संवाद आणि निर्णय या सर्व अपडेट्स साठी Like आणि Share करा
🎓अधिक माहितीसाठी संपर्क:
विद्यार्थी मित्र प्रा.रफीक शेख,
+919822624178 / +919970717187
🎓 डॉ. ए.पी.जे.अब्दुल कलाम विद्यार्थी फाउंडेशन, परभणी.
आदरणीय सर
आपण अगदी समर्पक भाषेत करिअर कसे निवडावे या विषयी विद्यार्थ्यांनाच नाही तर शिक्षकांना सुद्धा त्यांच्या विद्यार्थ्यांना सांगायला उपयोगी पडेल अशी valuable माहिती दिली,***आपण सांगितल्या प्रमाणे, "आपल्या बुद्धीला झेपणारे आणि नीट आकलन करण्याची क्षमता असणारे क्षेत्र निवडा,फक्त eccha असूनच उपयोग नाही तर क्षमता देखील हवी""ये चीज तो दिल को छु गइ सर,एवढं जरी लक्षात घेऊन करिअर निवडलं तर बऱ्याच विद्यार्थ्यांचा अमूल्य वेळ वाया जाणार नाही आणि करिअर बरबाद होणे के जगाह आबाद हो जयेगा,आदरणीय सर आपले खूप खूप धन्यवाद,आदरणीय सर आपले खूप खूप धन्यवाद,आपले ब्लॉग नेहमीच आमच्या ज्ञाना मध्ये वृद्धी करतात......
आदरणीय सर
आपण अगदी समर्पक भाषेत करिअर कसे निवडावे या विषयी विद्यार्थ्यांनाच नाही तर शिक्षकांना सुद्धा त्यांच्या विद्यार्थ्यांना सांगायला उपयोगी पडेल अशी valuable माहिती दिली,***आपण सांगितल्या प्रमाणे, "आपल्या बुद्धीला झेपणारे आणि नीट आकलन करण्याची क्षमता असणारे क्षेत्र निवडा,फक्त eccha असूनच उपयोग नाही तर क्षमता देखील हवी""ये चीज तो दिल को छु गइ सर,एवढं जरी लक्षात घेऊन करिअर निवडलं तर बऱ्याच विद्यार्थ्यांचा अमूल्य वेळ वाया जाणार नाही आणि करिअर बरबाद होणे के जगाह आबाद हो जयेगा,आदरणीय सर आपले खूप खूप धन्यवाद,आदरणीय सर आपले खूप खूप धन्यवाद,आपले ब्लॉग नेहमीच आमच्या ज्ञाना मध्ये वृद्धी करतात......
Post a Comment